برنامج شهرة للسوبر والماسيات

السلام عليكم ورحمة الله وبركاته 

نظرا لأن المشاركات والتعليقات قلت في المدونة 

وفيه كسل من الأعضاء اتفقنا انا والمالكة نور 

بإننا نعملكوا مسابقة تفعل النشاط وترجع الأعضاء تاني 

باختصار المسابقة عبارة عن 

تكوني من مشاهير ستاردول بس علشان تكمل الطبخة 

ههههههههه

لازم شروط 

---------------------------

وهي : ---- 

* ان يكون مستوى المشتركة اعلى من 25 

اللى مستواها اقل مش هينفع تشترك .

* لازم تكوني سوبر او ماسة علشان البزار يبقى متفعل عندك 

* تتابعي المدونة بإنتظام علشان تعرفي اخر اخبار البرنامج 

* لو ليكي شروط اكتبيها فى التعليقات 

* تكوني شاطرة فى التصميمات وتصميماتك مبهرة 

* لو مكنتيش شاطرة فى التصميم ممكن تجيبى من النت

شخصيات وتحاولي تصمميها 

* اللى عادية مش سوبر يعني ليها مسابقة تانية هتنزلها 

المالكة نور 

----------------------

بس هي دي الشروط 

اشرح ليكم المسابقة بقى ..............

لما يكون متوفر عندك الشروط دي كلها هنعمل ايه بقى ؟

اول حاجة لما تصممي ملابس وتكوني مبدعة وطبعا سوبر 

لازم تشتريهم وتحطيهم فى البزار من حيث يعني 

( ملابس - مجوهرات - ديكورات - شعر )

بعدين احنا علينا نجيبلك اللى يشتري والسعر هيكون 6 دولارز 

مثال : 

يعني لو انتي صممتي تيشرت بـــ 4 دولارز 

تحطيه فى البزار بــ 6 دولارز 

وكدة يكون عدل ووقتها هتستفيدي كتير وغيرك هيستفيد

بعدين احنا هنجيب بنات يشتروا منك علطول لحد ما تاخدي 

جايزة افضل مصممة شعر او ملابس ...... إلخ 

بعدين هتضافي في افضل المصممين 

بعدها كدة هتكوني مشهورة (على حسب تصميمك )

الشهرة لازم لها صحافة واحنا هنكون الصحفيين ووقت فوزك 

انا المسؤولة عن مجلة المدونة هعملك مقال فى المجلة على زوقي 

ودي تكون مباركة مننا ليكي 

واخر حاجة المسابقة دي زي الحملات يعني لما نخلص من 

المشتركة الأولى نبدأ في التانية وهكذا 

وطبعا مع اول مشتركة تكتب تعليق هي اللي هتكون الأولى 

ها كام واحدة عجبتها الفكرة وكام واحدة هتشترك اتمنى

تكون الفكرة عجبتكوا وتتفاعلوا معانا فيهاواللي عندها استفسار تكتب في التعليق

&&& مع تحياتي &&&

silvergreenyory